ह्वाट्सएप लगायतका मेसेजिङ एपहरु दैनिक जीवनको हिस्सा बनिसकेका छन् । मेसेजिङ एपमध्ये सबैभन्दा सुरक्षित र लोकप्रिय मानिएको ह्वाट्सएपमा विभिन्न फिचरहरु उपलब्ध छन् ।
ह्वाट्सएपबाट हामी भ्वाइस कल, भिडियो कल, टेक्स्ट मेसेजिङ लगायत धेरै काम गर्न सक्छौं । यो प्लेटफर्ममा हामी ठूलो संख्यामा भिडियो तथा तस्वीर सेयर गरिरहेका हुन्छौं । तर धेरै प्रयोगकर्ताको गुनासो चाहिं ह्वाट्सएपमा पठाइएका फोटोहरु प्रापकसम्म आइपुग्दा त्यसको गुणस्तर अर्थात् इमेज क्वालिटी खस्किएको भन्ने हुन्छ ।
वास्तवमा ह्वाट्सएपले डाटा कम खर्च गर्ने र सन्देश छिटो भन्दा छिटो पठाउने प्रयोजनका लागि तस्वीरहरु पठाउँदा त्यसको गुणस्तर आफैं घटाउने गर्छ । तर अब चाहिं तपाईं आफ्नो इच्छाअनुसारको गुणस्तरमा तस्वीर वा भिडियो पठाउन सक्नुहुन्छ । तपाईंले ह्वाट्सएपको सेटिंग्समा परिवर्तन गरी उच्च गुणस्तरीय तस्वीर पठाउन सक्नुहुन्छ ।
– सेटिंग्सभित्र रहेको Auto recommended अप्सनमा क्लिक गर्नुहोस् जहाँ Photo upload quality नामक अप्सन देखिनेछ ।
– उक्त अप्सनमा क्लिक गरेसँगै नयाँ विन्डो खुल्नेछ, जसमा तीनवटा अप्सन प्राप्त हुनेछन् । पहिलो विकल्प Auto recommended हो, जुन डिफल्ट रुपमै छानिएको हुनेछ । Auto अप्सनमा फोटोहरु पठाइँदा नेटवर्कको गुणस्तरको हिसाबमा प्रेषित हुन्छन् ।
– साथै Data Saver तथा Best Quality को अप्सन पनि रहेको छ । उच्च गुणस्तरमा ह्वाट्सएपमा तस्वीर पठाउन चाहनुहुन्छ भने तपाईंले Best Quality अप्सन छान्नुपर्छ । यद्यपि यसमा डाटा खपत केही बढी हुन्छ ।
एजेन्सी
Comments