भक्तपुर । भक्तपुरमा आजबाट सुरु भएको बिस्का जात्राले औपचारिक रुपमा निरन्तरता पाएको छ । कोरोना भाइरसका कारण यो पटक बिस्का जात्र औपचारिक रुपमा मात्र सञ्चालन गर्ने भए पछि साँस्कृतिक र परम्पराले भने निरन्तरता पाएको हो ।
आज रथको पूजा अर्चना गरि जात्राको सुरुवात गरिएको छ । त्यस्तै बिभिन्न गुठिहरुले भैरब मन्दिरमा पूजा अर्चना समेत गरेका छन् ।
यो बर्ष बिस्का जात्राको रथ तानिने छैन । तर लिंगो उभ्याउने परम्पराले भने निरन्तरता पाउने छ । चैत ३० गते भेलुखेलमा रथ पुर्याएपछि लिंगो उभ्याइन्छ भने भोलि पल्ट बैशाख १ गते पूजाआजा गरी साँझ लिंगो ढालिने परम्परा छ ।
तर यो बर्ष भने भेलुखेलमा काठको ५५ हाते लामो लिंगो भने देख्न पाइने छैन । साँस्कृतिक परम्पराको निरन्तरतालाई कायम गर्दै लिंगोको प्रर्तिमूर्तीको स्वरुपमा सुनको लिंगो उभ्याइने गुठी संस्थान भक्तपुरका प्रमुख आनन्द कर्मचार्यले जानकारी दिए ।
उनले भने, बिस्केट जात्राका लागि सरकारले तीस लाख बजेट बिनियोजन गरेको छ । त्यस्तै रथका लागि केही सामानहरु परिवर्तन गरि निमार्णको काम भइरहेको अवस्थामा निमार्णको काम बन्द गर्नु परेको उनले बताए ।
यस बर्ष भैरबनाथको रथका चार पाँग्रा फेर्ने तयारीमा रहेको उनले जानकारी गराए । पाँग्रा फेर्नका लागि नयाँ पाँग्रा तयारी अवस्थामा समेत राखिएको उनले जानकारी दिए । त्यस्तै रथको छानो, बेतसी, गलसी लगाए रथका महत्वपूर्ण भागहरु परिवर्तन गर्नका लागि समान ल्याएर काम सुरु गरिसेकको उनले बताए ।
रथका बारे बिभिन्न भनाइहरु बहिर आएपछि रथलाई मजबुद पार्ने काम फागुनको पहिलो हप्ताबाटै सुरु गरिएको उनले जानकारी दिए । रथले पूर्णता पाउन अगावै कोरोना भाइरसको जोखिम र सरकारको लकडाउनको समयकै कारण काम बिचैमा रोक्नु परेको र यो बर्ष जात्राले औपचारिक रुपममा मात्र सञ्चालन पाउने उनले बताए ।
जात्राको चहल पहल सँगै मान्छेको घुँइचो लाग्ने आजको दिन भक्तपर सुनसान बनेको छ ।
प्रकाशित मितिः २०७६ चैत्र २७ बिहिबार
Comments