काठमाडौं । आईसीसी क्रिकेट विश्वकप लिग टुअन्तर्गत अन्तिम त्रिदेशीय सिरिजमा नेपालले दिएको २४९ रनको चुनौती पछ्याउँदै ब्याटिङ गरेको यूएईले चौथो विकेट गुमाएको छ । सोमपाल कामीले नेपाललाई चौथो सफलता दिलाएका हुन् । सोमपाल कामीले आसिफ खानलाई ६ रनमा आउट गराए ।
यसअघि ललितनारायण राजवंशीले दुई विकेट लिइसकेका छन् । उनले मोहम्मद वासिमलाई एक रनमा कुशल भुर्तेलको हातबाट क्याच आउट गराए । यसअघि उनले भ्रित्या अरभिन्दलाई शून्यमै आउट गराएका थिए । त्यस्तै, दीपेन्द्रसिंह ऐरीले आर्यन लाक्रालाई शून्यमै आउट गराए ।
ललितले लगातार दुई ओभरमै विकेट मेडन राखेका हुन् । यूएईले ६ ओभर चलिरहँदा आठ रन बनाएर चार विकेट गुमाएको छ । यसअघि टियू क्रिकेट मैदानमा टस जितेर ब्याटिङ गरेको नेपालले ४९.२ ओभरमा सबै विकेटको क्षतिमा २४८ रन बनाएपछि यूएईले प्रतिस्पर्धात्मक लक्ष्य पाएको हो ।
प्रकाशित मितिः २०७९ फागुन २८ आइतबार
Comments