काठमाडौं । नेपाल ट्राईयाथलन संघले आफ्ना प्रशिक्षकहरुका लागि अनलाईन कोर्ष प्रदान गरेको छ । फिजियोलोजी अफ ट्राईयाथलन ट्रेनिङ्ग – युथ एण्ड जुनियर ( PHYSIOLOGY OF TRIATHLON TRAINING – YOUTHS AND JOUNIORS ) बिषयक कोर्ष संघका महासचिव एवं प्रमुख प्रशिक्षक युवराज सुनुवारले प्रदान गर्ने छन् ।
ट्राईयाथलनको प्राविधिक पक्षलाई समेटेर कोर्ष संचालन गरिएको हो । करिव ५ हप्ता संचालन हुने कोर्षमा ट्राईयाथलनका १५ प्रशिक्षकहरुलाई ज्ञानपूर्ण कुराहरु प्रदान गरिने छ । कोर्षमा शारीरिक परिपक्वता (Physical Maturity), युवा खेलाडीहरुको शारीरिक र शारीरिक बिशेषताहरु (Physical and physiological characteristics of young athletes), प्रशिक्षण क्षमताको संवेदनसिल अवधी (Sensitive Period of trainability), एरोबिक सहनशिलता (Aerobic Endurance), शक्ति सहनशिलता (Strength Endurance), गति विकास (Speed Development) र रेस बिशेष (Race Specific) का बिषयमा अध्यापन गराईने छ ।
बिश्व ट्राईयाथलन संघले हालै संचालन गरेको फिजियोलोजी अफ ट्राईयाथलन ट्रेनिङ्ग – युथ एण्ड जुनियर ( PHYSIOLOGY OF TRIATHLON TRAINING – YOUTHS AND JOUNIORS ) बिषयक ६ हप्ते कोर्षमा सहभागी भएका महासचिव एवं प्रमुख प्रशिक्षकले आफुले प्राप्त ज्ञानलाई नेपाली प्रशिक्षकहरुलाई प्रदान गर्न लागेका हुन् ।
कोभिडका कारण घरमै बस्न बाध्य प्रशिक्षकहरुलाई सक्रिय जीवनमा ल्याउने र समयको सदुपयोग गर्ने उद्धेश्यले आयोजना गर्न लागिएको यस कोर्षले नेपाली प्रशिक्षकमा युवा र जुनियर खेलाडीहरुको विभिन्न क्षमतालाई कसरी बिकास गर्न सकिन्छ भन्ने ज्ञान प्राप्त गर्न सहज हुने र ट्राईयाथलन खेलको विकास गर्न मद्धत पुग्ने महासचिवको बिश्वास रहेको छ ।
प्रकाशित मितिः २०७८ जेठ मंगलबार
Comments