‘टाइपिङ मिस्टेक’ भन्दै कार, जिप र भ्यानमा दिइएको भ्याट छुट सच्याइयो

काठमाडौं । सरकारले बजेटमार्फत कार, जिप र भ्यानमा दिएको मूल्य अभिवृद्धि कर (भ्याट) छुट सच्याइएको छ । आर्थिक विधेयकमा भएको टाइपिंङ मिस्टेक सच्याउने निर्णय गर्दै मन्त्रित्रपरिषद्को बैेठकले कार, जिप र भ्यानमा दिएको भ्याट छुट सच्याएको हो ।

यो संगै आगामी आवको आर्थिक विधेयकमा एचएस कोड ८७०२ र ८९०३ अन्र्तगतका कार, जिप र भ्यानमा दिइएको भ्याट छुटको व्यवस्था हटाइएको छ । १० वा सोभन्दा बढी यात्रु बोक्ने एम्बुलेन्स वा शवबाहनमा मात्रै भ्याट छुट हुनुपर्नेमा टाइपिंङ मिस्टेक हुँदा कार, जिप र भ्यानमा पनि भ्याट छुटको सूचीमा परेको भन्दै अर्थ मन्त्रालयले गल्ती सच्याएको छ । आर्थिक बिधेयकमा भएको उक्त गल्ती सच्याउन अर्थ मन्त्रालयले २०२१ सालमा बनेको सामयिक कर असुलीको मद्दत लिएको छ ।

प्रकाशित मितिः २०८१ जेठ १८ शुक्रबार