प्रतिनिधि सभा बैठक दोस्रो पटक स्थगित, साढे ४ बजे बस्ने

काठमाडौंं । प्रतिनिधि सभा बैठक साढे ४ बजेका लागि सरेको छ । आजै बिहान ११ बजेका लागि बोलाइएको बैठक दिउँसो २ बजेका लागि सरेको थियो । २ बजे पनि बस्न नसकेपछि पुनः सरेको हो ।

सहकारीमा बचत गरिएको रकम हिनामिनामा उपप्रधान तथा गृहमन्त्री रवि लामिछाने संलग्न रहेको भन्दै छानबिनका लागि संसदीय समितिको माग गर्दै नेपाली कांग्रेसले संसद् बैठक अवरोध गर्दै आएको छ । संसदीय समिति गठनका विषयमा दलहरूबीच सहमति पनि भइसकेको छ । तर, त्यसको कार्यादेश टुंगिएको छैन ।

संसदीय समितिको कार्यादेश टुंग्याउन गठित कार्यदलको बैठक आइतबार बसेको थियो । तर त्यहाँ पनि सहमति जुट्न सकेको छैन ।

प्रकाशित मितिः २०८१ जेठ ०६ आइतबार