अक्षय तृतीयाका अवसरमा भक्तपुरको डोलेश्वरमा दर्शनार्थीको घुइँचो

काठमाडौं । भक्तपुरको सिपाडोलस्थित केदारनाथको शिर डोलेश्वर महादेव मन्दिरमा अक्षय तृतीयाका अवसरमा आज बिहानैदेखि दर्शनार्थीको घुइँचो लागेको छ । आज बिहान ४ बजेदेखि मन्दिरको चारवटै ढोका खुला गरी दर्शनार्थीलाई मन्दिरको गर्भ गृहमै प्रवेश गरी दर्शन गर्ने व्यवस्था मिलाइएको डोलेश्वर महादेव संरक्षण तथा विकास समितिका सचिव हरिशशरण बस्नेतले बताए ।

डोलेश्वर महादेव मन्दिरमा अन्य दिनमा बाहिरबाट मात्र दर्शन गर्न मिल्ने भए पनि केदारनाथको शिर डोलेश्वर महादेव घोषणा भएको दिन भदौ ६ गते, शिवरात्रि र अक्षय तृतीया गरी वर्षमा तीन दिन भने मन्दिरभित्रै प्रवेश गरी पूजा गर्न पाउने व्यवस्था गरिएको सचिव बस्नेतले बताए । मेला व्यवस्थापन गर्न प्रहरीसहित स्वयंसेवक परिचालित छन् ।

प्रकाशित मितिः २०८१ बैशाख २८ शुक्रबार