गण्डकीका मुख्यमन्त्रीले पाएको विश्वासको मतविरुद्ध सर्वोच्चमा रिट दायर

काठमाडौं । नेपाली कांग्रेसले गण्डकी सरकारविरुद्ध सर्वोच्च अदालतमा रिट दायर गरेको छ । मुख्यमन्त्री खगराज अधिकारीले पाएको विश्वासको मतविरुद्ध मंगलबार अदालतमा रिट दायर गरेको कांग्रेसका प्रदेश सांसद डिल्लीराम सुवेदीले जानकारी दिए ।

गत आइतबार प्रदेशसभामा मुख्यमन्त्री खगराज अधिकारीले राखेको विश्वासको मतबारेको प्रस्तावमा सभामुख कृष्ण धितालले ६० सदस्यमा ३० सांसदको समर्थनलाई विश्वासको मत प्राप्त भनि गरेको घोषणाविरुद्ध रिट दायर गरिएको हो ।

रिटमा संविधानको धारा १६८ (२) अनुसार नियुक्त अधिकारीले विश्वासको मत नपाई स्वतः पदमुक्त भएको उल्लेख गर्दै प्रदेशसभाको ठूलो दलको नेताको हैसियतमा कांग्रेस नेतालाई मुख्यमन्त्री नियुक्त गर्न परमादेश माग गरिएको छ ।

प्रकाशित मितिः २०८१ बैशाख २५ मंगलबार