बडा दशेंको तेस्रो दिन पनि आफन्त र मान्यजनको हातबाट टिका थापेर आशीर्वाद लिने क्रम जारी

काठमाडौँ । आज बडा दशेंको तेस्रो दिन पनि आफन्त र मान्यजनको हातबाट टिका थापेर आशीर्वाद लिने क्रम जारी छ । विजयादशमीका दिन जान नभ्याइएका आफन्तजनकहाँ कोजाग्रत पूर्णिमाको दिनसम्म टीका, जमरा थाप्न जाने प्रचलन छ । कतिपय स्थानमा भने कतिपय स्थानमा टीकाको मूल दिन मात्र टीका लगाउने चलन छ ।

दशैंमा टाढा–टाढाका आफन्तजनहरू पनि समयमानै सकेसम्म सबै आफन्तहरु कहाँ पुग्ने गर्दछन् । हिजोदेखि टाढाका आफन्तसँग टीका थाप्न जान मानिसहरुलाई चटारो नै हुने गर्दछ । त्यस्तै दशैं मनाउन गाउँघर गएकाहरु फर्कन थालेपछि काठमाडौं उपत्यकाको सवारी आवागमन बाक्लिएको छ ।

घटस्थापनाका दिन दशैंघरमा विधिपूर्वक स्थापना गरी दुर्गा भवानीको पूजा–आराधना गरिएको टीका, जमरा र प्रसाद आफूभन्दा ठुलाहरूको हातबाट थापेर आशिर्वाद लिने गरिन्छ ।

प्रकाशित मितिः २०७६ असोज २३ बिहिबार