भक्तपुरको सल्लाघारीबाट १३ जुवाडे पक्राउ

भक्तपुर । भक्तपुरको सुर्यबिनायक नगरपालिका–५ सल्लाघारीबाट १३ जुवाडे पक्राउ परेका छन् । महानगरीय प्रहरी परिसर भक्तपुरको प्रहरी टोलीले तास खेलिरहेको अवस्थामा सल्लाघारीबाट उनीहरुलाई पक्राउ गरेको हो ।

उनीहरुको साथबाट नगद ६ लाख १ हजार ६ सय ८५ रुपैयाँ, १२ बुक, २ थान चेक र तास खेल्न प्रयोग गरिने अन्य सामानहरु सहित पक्राउ गरिएको महानगरीय प्रहरी परिसर भक्तपुरका सूचना अधिकृत प्रहरी नायव उपरीक्षक रेबति रमण पोखरेलले जानकारी दिए ।

साथै पक्राउ परेका उनीहरुमाथि थप अनुसन्धान भइरहेको छ ।

एजेन्सी प्रकाशित मितिः २०७६ असार ८ आइतबार