आजदेखि तराईमा मौन अवधी शुरु, भोट माग्न नपाइने

काठमाडौ, ३० भदौ । स्थानीय तहको तेस्रो चरणको विर्वाचन अन्तर्गत प्रदेश २ मा शुक्रबार मध्यरातदेखि मौन अवधि सुरु हुनेभएको छ । मौन अवधि शुरू भएपछि निर्वाचन सम्पन्न नहुन्जेलसम्म चुनाव प्रचार प्रसार वा भोट माग्न पाइँदैन ।

निर्वाचन आयोगका अनुसार मौन अवधि शुरू भएपछि निर्वाचन सम्पन्न नभए सम्म राजनीतिक दल, दलका उम्मेदवार , राजनीतिक दलका पदाधिकारीहरू, स्वतन्त्र उम्मेदवारहरू, नागरिक समाज, मतदाता तथा सञ्चारजगत कुनै पनि प्रकारका चुनावी प्रचार प्रसारमा संलग्न हुन पाउने छैनन् ।सामाजिक सञ्जालबाट समेत भोट माग्न र चुनाव प्रचार गर्न पाइँदैन ।