नौतले र तलेजु मन्दिर निर्माणमा ३३ करोड

भक्तपुर  । महाभुकम्पका भत्किएको विश्वसम्पदा सूचीमा सूचीकृत नौतले दरबार र देगु तलेजु मन्दिरको निर्माणमा ३३ करोड रुपैयाँ लाग्ने भएको छ ।  नौतले मन्दिर चीन र तलेजु मन्दिर जापान सरकारको आर्थिक एवं प्राविधिक सहयोगमा पुनःनिर्माण गर्न लागीएको यो मन्दिरको पछिल्लो प्राविधिक स्टमेटले यस्तो लागत देखाएको हो ।

पाँच वर्षभित्र निर्माण पुरा गर्ने लक्ष्य लिईएको नौतले मन्दिरका लागी चीन सरकारले करिब १५ करोड सहयोग गर्ने भएको छ । यो मन्दिरको पुनः निर्माणका लागी काम शुरु भैसकेको पुरातत्व विभागका महानिर्देशक भेषनारायण दाहालले जानकारी दिए ।