नेपालका ७ जिल्ला भए कोरोनामुक्त , ३ जिल्लामा ५०० भन्दा बढी संक्रमित

काठमाडौं । नेपालमा सबै ७७ जिल्लामा कोरोनाभाइरस सङ्क्रमित भए पनि अहिले सात जिल्लामा सङ्क्रमितको सङ्ख्या शून्य भएको छ। ती जिल्लाहरू भोजपुर, पाँचथर, धनकुटा, संखुवासभा, रसुवा, मनाङ र मुस्ताङ रहेका छन्।

सक्रिय सङ्क्रमित ५०० भन्दा बढी भएका जिल्लाहरूमा रौतहट, कैलाली र बाजुरा रहेका छन्।

प्रदेश अनुसार सबैभन्दा बढी सक्रिय सङ्क्रमण सुदूरपश्चिम प्रदेशमा रहेको छ। त्यहाँ २,४१८ जना सक्रिय सङ्क्रमित रहेका छन् भने प्रदेश नं २ मा १,९३३ जना रहेका छन्।

त्यस्तै प्रदेश नं १ मा ९३, वागमतीमा ३९९, गण्डकीमा ३८४, प्रदेश नं ५ मा ४१० र कर्णाली प्रदेशमा २९९ जना सक्रिय सङ्क्रमित रहेका छन्।

प्रकाशित मितिः २०७७ साउन ०५ सोमबार