२४ घन्टामा १३९ जना कोरोना संक्रमित डिस्चार्ज

काठमाडौं । नेपालमा बिहिबार १३९ जना कोरोना मुक्त भएर डिस्चार्ज भई घर गएका छन् । स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले थप १३९ कोरोना संक्रमित उपचारपछि निको भएर डिस्चार्ज भएको बताए।

योसँगै मन्त्रालयका प्रवक्ता डा.गौतमका अनुसार योसहित कोरोना जित्नेको ७ हजार ८९१ संख्या पुगेको छ। यस्तै मन्त्रायका अनुसार धनकुटा, भोजपुर, सोलुखुम्बु, मुस्ताङ र हुम्ला गरी पाँच जिल्ला कोरोनामुक्त भएका छन्। नेपालमा दिनप्रतिदिन कोरोना संक्रमण घट्दै गएको मन्त्रालयको दावी छ।

हालसम्म कोरोनाबाट ३५ जनाको मृत्यु भइसकेको छ।

प्रकाशित मितिः २०७७ असार २५ बिहिबार