राष्ट्रपतिद्वारा दशैंको अवसरमा ४५६ कैदीहरुको सजायँ माफ

भक्तपुर १३ असोज । राष्ट्रपति विद्यादेवी भण्डारीले बडादशैंको अवसरमा ४५६ कैदीहरुको सजायँ माफी दिएकी छन् । सरकारले गरेको सिफारिसको आधारमा राष्ट्रपति भण्डारीले कैदीहरुको सजायँ माफी दिएकी हुन् । असल चालचलन भई कैदको सजाय छोट्याउन योग्य देखिएका ४५६ जना कैदीहरुको भुक्तान हुन बाँकी कैदको सजायँ माफी दिइएको राष्ट्रपति कार्यालयले जनाएको छ । संविधानको धारा २७६ अनुसार सजायँ माफी दिइएको जारी गरेको विज्ञप्तिमा उल्लेख छ ।