चलचित्र २ रुपैयाँ आजबाट प्रदर्शनमा

काठमाडौं, २३ भदौ । नेपाली चलचित्र २ रुपैयाँ आजबाट प्रदर्शनमा आएको छ । देशव्यापी प्रदर्शन आरम्भ गरेको फिल्म २ रुपैयाँसँग भिड्न अन्य कुनै पनि नेपाली फिल्म हलमा छैनन् । यो चलचित्रले गएको हप्ता प्रर्दशनमा आएको ए मेरो हजुर २ र बादशाहोसँग प्रतिस्पर्धा गर्नुपर्ने छ ।
चलचित्र रिलिज हुनुभन्दा पहिले नै चलचित्रको गीत लोकप्रिय भैसकेको छ । कुटुमा कुटु बोलको गीत युट्युबमा २ करोडभन्दा बढी पटक हेरिएको छ ।
असिफ शाहको लेखन र निर्देशन रहेको एक्सनप्रधान चलचित्र २ रुपैयाँमा निश्चल बस्नेत, असिफ शाह, बुद्धि तामाङ, मेनुका प्रधान, स्वस्तिमा खड्का, टीका पहारी, रविन्द्र झालगायतका कलाकारको अभिनय रहेको छ ।
चलचित्रमा कविराज गहतराजको कोरियोग्राफी, शिवराम श्रेष्ठको सिनेमाटोग्राफी तथा राजनराज शिवाकोटी र रोशन थापाको संगीत रहेको छ ।