मौद्रिक नीति सार्वजनिक गर्ने कार्यक्रम अन्तिम समयमा रोकियो

काठमाडौं । राष्ट्र बैंकले आज ल्याउन लागेको मौद्रिक नीति अन्तिम समयमा आएर रोकिएको छ । राष्ट्र बैंकले शुक्रबार आज मौद्रिक नीति सार्वजनिक गर्ने तयारी गरेको थियो ।

सञ्चालक समितिमा मौद्रिक नीतिबारे छलफल गर्ने समय अपुग भएको भन्दै तत्काललाई रोकिएको स्रोतले जनाएको छ । यसअघि आज बिहान राष्ट्र बैंक सञ्चालक समिति बसेर नीति पारित गर्ने तयारी थियो ।

सञ्चालक समितिमा छलफल गर्न थप केही समय चाहिने भएकाले मौद्रिक नीति शुक्रबार सार्वजनिक हुने सम्भावना टरेको छ । प्रधानमन्त्री केपीशर्मा ओलीको आर्थिक तथा विकास सल्लाहकारमा डा. युवराज खतिवडाले थप छलफल गर्न चाहेकाले रोकिएको हुनसक्ने आँकलन छ ।