भक्तपुरमा ३ बजेसम्म ६५ प्रतिशत मत खस्यो, ८० प्रतिशतसम्म खस्ने अनुमान

भक्तपुर । भक्तपुरमा स्थानीय तह निर्वाचन शान्तिपूर्ण, निष्पक्ष र सौहार्दपूर्ण वातावरणमा मतदान भइरहेको मुख्य निर्वाचन कार्यालयले जनाएको छ । दिउँसो ३ बजेसम्म भक्तपुर जिल्लाभर करीब ६५ प्रतिशत मत खसेको मुख्य निर्वाचन अधिकृत गोपालप्रसाद बाँस्तोलाले जानकारी दिए ।

स्थानीय तह निर्वाचनको मतदान सकिन अब मात्र आधा घण्टा मात्र बांकी छ । यद्यपि, साँझ ५ बजेसम्म लाइनमा बस्नेलाई मतदान गर्न दिने निर्वाचन आयोगले जनाएको छ।

जिल्लामा कूल एक लाख ८९ हजार ५८४ मतदाता छन् । जसमध्ये भक्तपुर नगरपालिकामा ५७ हजार २७०, चाँगुनारायण नगरमा ४३ हजार १०४, सूर्यविनायक नगरमा ४७ हजार ३६७ र मध्यपुर थिमी नगरमा ४१ हजार ८४३ जना छन् ।

जिल्लामा ७० देखि ८० प्रतिशत हाराहारी मत खस्ने अनुमान गरिएको छ ।

प्रकाशित मितिः २०७९ बैशाख ३० शुक्रबार