सुन तोलामा ५ हजार र चाँदीमा ५० रुपैयाँ वृद्धि

काठमाडौं । नेपाली बजारमा हिजो मंगलबार स्थिर रहेको सुनको मूल्यमा आज बुधबार अत्यधिक वृद्धि भएको छ । नेपाल सुनचाँदी व्यवसायी महासंघले आज बुधबार सुन तोलामा पाँच हजार रुपैयाँले बढेको जनाएको छ ।

महासंघका अनुसार आज बुधबार छापावाल सुन प्रतितोला १ लाख ८९ हजार ८ सय रुपैयाँमा कारोबार भएको छ । हिजो मंगलबार सुन तोलाको १ लाख ८४ हजार ८ रुपैयाँ थियो । यस्तै, आज चाँदीको मूल्य पनि बढेको छ । महासंघका अनुसार चाँदी ५० रुपैयाँले बढेर १ हजार ९ सय ९० रुपैयाँमा कारोबार भइरहेको छ । अघिल्लो कारोबारको दिन मंगलबार चाँदी प्रतितोला १ हजार ९ सय ४० रुपैयाँमा किनबेच भएको थियो ।