एमाले-कांग्रेस गठबन्धनमा कुनै विवाद छैन : देउवा

काठमाडौं ।  नेपाली कांग्रेसका सभापति शेरबहादुर देउवाले सत्ता गठबन्धनबीच कुनै विवाद नरहेको बताएका छन् । थाइल्यान्डको भ्रमण सकेर शुक्रबार काठमाडौं आइपगेका सभापति देउवाले त्रिभुवन विमानस्थलमा सञ्चारकर्मीको प्रश्नमा सत्ता गठबन्धनबीच कुनै खटपट नरहेको बताएका हुन् ।

उनले भने, ‘एमाले कांग्रेस गठबन्धनमा कुनै विवाद छैन । सत्ता समीकरण फेरबदल हुने भन्ने सबै हल्ला मात्रै हुन्, त्यस्तो केही छैन ।’ सत्ता समिकरण परिवर्तन हुने कुरामा समेत सत्यता नरहेको देउवाको भनाइ छ । सभापति देउवा सपरिवार थाइल्यान्ड भ्रमणमा गएका थिए ।