आज नेदरल्याण्ड्स र थाइल्याण्डको खेल्दै

काठमाडौं । महिला त्रिकोणात्मक टि ट्वान्टी आई सिरिजमा आज नेदरल्याण्ड्स र थाइल्याण्डको खेल्दैछन् । कीर्तिपुरस्थित त्रिवि क्रिकेट मैदानमा हुने खेल दिउँसो सवा १२ बजे सुरु हुनेछ ।

सिरिजमा नेदरल्याण्ड्स लगातार दोस्रो जितको खोजीमा छ । पहिलो खेल खेल्दै गरेको थाइल्याण्ड जितका साथ सिरिज सुरु गर्न चाहन्छ ।

हिजो भएको पहिलो खेलमा नेदरल्याण्ड्सले आयोजक नेपाललाई २० रनले पराजित गरेको थियो । महिला टि ट्वान्टी आई वरियतामा थाइल्याण्ड १३ औं‌, नेदरल्याण्ड्स १६ औं र नेपाल २० औं स्थानमा छ ।

नेपाल क्रिकेट संघ (क्यान) का अनुसार हरेक टोलीले एक अर्कासँग तीन पटक खेल्नेछन् । अंक तालिकाको शीर्ष स्थानमा रहने टोली विजेता घोषणा गरिने छ । भोलि नेपालले दोस्रो खेलमा थाइल्याण्डसँग खेल्नेछ ।