तोलामा १ सय रुपैयाँले घट्यो सुन, कतिमा हुँदैछ कारोबार ?

काठमाडौं । नेपाली बजारमा बिहीबार सुनको मूल्यमा सामान्य घटेको छ । नेपाल सुनचाँदी व्यवसायी महासंघका अनुसार बिहीबार सुनको मूल्य तोलामा एक सय रुपैयाँ घटेको छ ।

महासंघका अनुसार बिहीबार छापावाला सुन तोलाको मूल्य एक लाख ५३ हजार ३ सय रुपैयाँ तोकिएको छ । सोमबार छापावाल सुन तोलामा एक लाख ५३ हजार ४ सय रुपैयाँमा कारोबार भएको थियो ।

त्यसैगरी बिहीबार चाँदीको मूल्य भने बढेको छ । बिहीबार चाँदी तोलामा १५ रुपैयाँले बढेर एक हजार ७ सय ९५ रुपैयाँमा कारोबार भइरहेको महासंघले जनाएको छ ।