न्युजिल्यान्डले विद्यार्थी भिसा शुल्क दोब्बरले बढाउने निर्णय

काठमाडौं । न्युजिल्यान्डले विद्यार्थी भिसा शुल्क दोब्बरले बढाउने निर्णय गरेको छ। यो बढेको शुल्क अक्टोबरबाट लागू हुने न्युजिल्यान्ड सरकारले घोषणा गरेको छ।

हाल अन्तर्राष्ट्रिय विद्यार्थी भिसा शुल्कका रुपमा २२६.५१ अमेरिकी डलर (३७५ न्युजिल्यान्ड डलर) तिर्दै आएका छन्। अब अक्टोबरबाट भने यो शुल्क बढेर ४५३.०१ अमेरिकी डलर (७०० न्युजिल्यान्ड डलर) पुग्नेछ।

अस्ट्रेलियाले अन्तर्राष्ट्रिय विद्यार्थीको भिसा शुल्क दोब्बर बनाएको महिना दिन नबित्दै न्युजिल्यान्डले पनि विद्यार्थी भिसा शुल्क बढाउने निर्णय गरेको हो। यी दुवै देशको हालको विद्यार्थी भिसा शुल्क अन्य प्रमुख गन्तव्यको तुलनामा बढी रहेको छ। विद्यार्थी भिसा शुल्क अमेरिकामा १८५ डलर र क्यानडामा १५० क्यानेडियन डलर रहेको छ।

त्यसो त न्युजिल्यान्ड सरकारले अन्य सबै प्रकारका भिसाको शुल्क पनि अक्टोबरबाट बढाउने निर्णय गरेको छ। अध्यागमनमन्त्री इरिका स्ट्यान्डफोर्डका अनुसार भिसा शुल्क बढाउनुुको मुख्य कारण न्युजिल्यान्ड अध्यागमन प्रविधिलाई दिगो बनाउनु रहेको छ। एजेन्सी