पिएसजी एसके स्ट्रम ग्रजसँग बराबरीमा

काठमाडौं । फ्रेन्च क्लब पेरिस सेन्ट जर्मन (पिएसजी) मैत्रीपूर्ण खेलमा बुधबार अस्ट्रियाको एसके स्ट्रम ग्रजसँग बराबरीमा रोकिएको छ । पिएसजी र ग्रजले २-२ गोलको बराबरी खेले । पीएसजीका लागि लागि इब्राहिम एमबायी र कार्लोस सोलरले गोल गरे । उता, स्ट्रम ग्रजका लागि एम्डी कामारा र ओटर काइटिशभिलीले गोल गरे ।

खेलको नवौं मिनेटमा एमबायीको गोलमार्फत पिएसजीलाई अग्रता दिलाएका थिए । खेलको १२ औं मिनेटमा सोलरले गोल गर्दै अग्रता दोब्बर बनाए । ग्रजका लागि कामाराले १५ औं मिनेटमा गोल गर्दै खेललाई २-१ को स्थितिमा ल्याए । ४३ औं मिनेटमा काइटिशभिली गोल गर्दा ग्रज २-२ को बराबरीमा आयो । त्यसपछि कुनै गोल हुन नसक्दा खेल बराबरीमा सकियो ।