काठमाडौंस्थित नेपाल मेडिसिटी अस्पतालमा उपचाररत एक कोरोना संक्रमितको मृत्यु

काठमाडौं । काठमाडौंस्थित नेपाल मेडिसिटी अस्पतालमा उपचाररत एक कोरोना संक्रमितको मृत्यु भएको छ । कलंकीका ६४ वर्षीय पुरुषको मृत्यु भएको जिल्ला स्वास्थ्य कार्यालय ललितपुरका वरिष्ठ स्वास्थ्य प्रशासक डाक्टर खगेश्वर गेलालले जानकारी दिए ।

डा गेलालका अनुसार ती पुरुषमा निमोनियाको समस्या देखिएपछि गत साउन १९ गते अस्पतालमा भर्ना गरिएको थियो । उनको आज सोमवार बिहान मृत्यु भएको अस्पतालले जनाएको छ ।

‘उपचाररत एकजना कोरोना संक्रमित पुरुषको मृत्यु भएको हो,’ डा गेलालले भने, ‘उहाँ कलंकी ट्याक्लाफाँटका निकासी ६४ वर्षका पुरुष हुनुहुन्छ ।’

प्रकाशित मितिः २०७७ साउन २६ सोमबार