नेपालमा थप २१० जनामा कोरोना संक्रमण पुष्टि, कुल संक्रमित संख्या १९ हजार २७३ पुग्यो

काठमाडौँ । नेपालमा पछिल्लो २४ घण्टामा थप २१० जनामा कोरोना संक्रमण पुष्टि भएको छ। योसहित नेपालमा संक्रमितको संख्या १९ हजार २७३ पुगेको छ।

बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरका प्रयोगशालामा गरिएको परीक्षणमा थप २१० जनाको आरटी–पीसीआर रिपोर्ट पोजिटिभ आएको बताए। हाल देशका विभिन्न क्वारेन्टिनमा १४ हजार ४७१ व्यक्ति बसिरहेका छन्।

प्रवक्ता गौतमका अनुसार नेपालमा अहिले सक्रिय संक्रमितको संख्या ५ हजार २ सय ३ जना रहेको छ। आज ६ हजार ३७ जनाको आरटी पीसीआर परीक्षण गरिएको थियो। कुल पीसीआर परीक्षणको सङ्ख्या ३५८,३४४ रहेको छ।

प्रकाशित मितिः २०७७ साउन १४ बुधबार