पछिल्लो २४ घण्टामा ६२६ जना संक्रमणमुक्त भई डिस्चार्ज

काठमाडौें । नेपालमा पछिल्लो २४ घण्टामा थप ६२६ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १३ हजार ७५४ पुगेको छ ।

हालसम्म नेपालमा संक्रमणमुक्त हुनेको प्रतिशत ७४.३५ रहेको छ। उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो।

प्रकाशित मितिः २०७७ साउन १२ सोमबार