काठमाडौं उपत्यकामा आज भेटिए १० संक्रमित

काठमाडौं । काठमाडौँ उपत्यकामा पछिल्लो २४ घण्टामा थप १० जनामा कोरोना भाइरसको संक्रमण पुष्टि भएको छ। स्वास्थ्य तथा जनसंख्या मन्त्रालयको नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गौतमले काठमाडौँका १० जनामा कोरोना भाइरसको संक्रमण भएको बताए।

शुक्रराज ट्रपिकल तथा सरुवा रोग अस्पताल टेकुमा गरिएको परीक्षणमा काठमाडौँका ५ जना र त्रिवि शिक्षण अस्पताल महारागन्जमा गरिएको परीक्षणमा पाँच जनामा संक्रमण पुष्टि भएको हो।

योसंगै शुक्रबार नेपालमा थप १ सय ३३ जनामा कोरोना संक्रमण देखिएको छ । स्वास्थ्य तथा जनसंख्या मन्‍त्रालयका अनुसार ३ हजार ९ सय ८७ जनाको पीसीआर परीक्षण गर्दा १ सय ३३ जनामा संक्रमण देखिएको जनाएको छ।

प्रकाशित मितिः २०७७ साउन ०९ शुक्रबार