नेपालमा कोरोनाले मृत्यु हुनेको संख्या ३३ पुगे

काठमाडौं ।  गोरखा पालुङटारका कोरोना संक्रमित एक पुरूषको मृत्यु भएको छ । पालुङटार नगरपालिका वडा नम्बर ७ का ४४ वर्षीय पुरुषको उपचारका क्रममा आज बिहान ५:०५ बजे मृत्यु भएको गोरखा अस्पतालले जारी गरेको प्रेस बिज्ञप्तिमा उल्लेख छ ।

अस्पतालका निमित्त मेडिकल सुपरिटेन्डेन्ट डाक्टर नविन थापाले जारी गरेको बिज्ञप्तिअनुसार मृतक पुरूषमा गोरखा अस्पतालमा उपचाररत अवस्थामा शुक्रबार राति ९:५५ बजे कोरोना भाइरसको संक्रमण पुष्टि भएको थियो।

मधुमेहबाट पीडित उनलाई निमोनिया देखिएपछि आइसोलेसनमा राखेर उपचार गरिँएकोमा उपचारका क्रमा मृत्यु भएको हो । योसँगै नेपालमा कोरोनाले मृत्यु हुनेको संख्या ३३ पुगेको छ ।

प्रकाशित मितिः २०७७ असार २० शनिबार