६ सयले बढ्यो सुनको मूल्य

काठमाडौं । आज सुनचाँदीको मूल्य बढेको छ । बुधबारको तुलनामा बिहीबार सुन ६ सय र चाँदी १० रुपैयाँले बढेको हो ।

बुधबार ७१ हजार ४ सयमा कारोबार भएको छापावाला सुन बिहीबार ६ सयले बढेर ७२ हजारमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ७१ हजार ७ सय रुपैयाँमा कारोबार भइरहेको छ ।

चाँदी पनि आज १० रुपैयाँले बढेर प्रतितोला ८ सय ६० रुपैयाँमा कारोबार भइरहेको महासंघले जनाएको छ ।

प्रकाशित मितिः २०७६ कार्तिक २८ बिहीबार