घट्यो सुनचाँदीको मूल्य

काठमाडौं । आज पनि सुनचाँदीको मूल्य घटेको छ । मंगलबारको तुलनामा बुधबार सुन ६ सय र चाँदी २० रुपैयाँले घटेको हो । मंगलबार पनि सुन २ सय र चाँदी ५ रुपैयाँले घटेको थियो ।

मंगलबार प्रतितोला ७० हजार ८ सयमा कारोबार भएको छापावाला सुन बुधबार ६ सयले घटेर ७० हजार २ सयमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ६९ हजार ९ सय रुपैयाँमा कारोबार भइरहेको छ । चाँदी पनि २० रुपैयाँले घटेर प्रतितोला ८ सय ४५ रुपैयाँमा कारोबार भइरहेको महासंघले जनाएको छ ।

प्रकाशित मितिः २०७६ कार्तिक २० बुधबार