१ केजी सुनसहित भक्तपुर ठिमी बस्ने लामा पक्राउ

काठमाडौं । गोकर्णेश्‍वर नगरपालिका–५ गोठाटार पुल छेउबाट फाइन गोल्ड ९९९.९ .वाई.१७५२७७ लेखिएको १ केजी सुनसहित एक जना पक्राउ परेका छन् ।

पक्राउ पर्नेमा भक्तपुर ठिमी बस्ने रामेछाप खाडादेवी गाउँपालिका–९ घर भएका २९ वर्षीय बिशाल लामा रहेको प्रहरीले जनाएको छ ।

महानगरीय प्रहरी वृत्त बौद्धबाट खटिएको प्रहरीले उनलाई सोमबार साँझ पक्राउ गरेको हो ।यस सम्बन्धमा प्रहरीले थप अनुसन्धान गरिरहेको छ ।

प्रकाशित मितिः २०७६ कार्तिक १९ मंगलबार