सुनको मूल्य स्थिर

काठमाडौं । आज सुनको मूल्य स्थिर रहेको छ भने चाँदी घटेको छ । बुधबारको तुलनामा बिहीबार बजारमा चाँदी ५ रुपैयाँले घटेको हो । बुधबार प्रतितोला ७० हजार ६ सय रुपैयाँमा कारोबार भएको छापावाला सुन आज स्थिर रहँदै सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ ।

त्यस्तै, तेजावी सुन प्रतितोला ७० हजार ३ सय रुपैयाँमै कारोबार भइरहेको छ । आज चाँदी ५ रुपैयाँले घटेर प्रतितोला ८ सय ४५ रुपैयाँमा कारोबार भइरहेको महासंघले जनाएको छ ।

प्रकाशित मितिः २०७६ असोज ३० बिहिबार