राजपाको केन्द्रीय कार्यालय उद्घाटन

काठमाडौं, १८ साउन । तराई–मधेसकेन्द्रीत पार्टीहरुको एकताबाट बनेको राष्ट्रिय जनता पार्टीको नयाँ कार्यालयको उद्घाटन गरिएको छ ।
आज बबरमहलस्थित केन्द्रीय कार्यालयमा राजपाका अध्यक्ष मण्डलका पाँच नेता महन्थ ठाकुर, राजेन्द्र महतो, महेन्द्रराय यादव, शरतसिंह भण्डारी र अनिल झाले झण्डोत्तलन गर्नुका साथै संयुक्तरूपमा रिबन काटेर भवनको औपचारिक रुपमा उद्घाटन गरेका हुन् ।
कार्यालय सञ्चालनमा आएसँगै राजपाको पदाधिकारी बैठक पनि शुरु भएको छ । पार्टी एकीकरणपछि पहिलोपटक बस्न लागेको पदाधिकारी बैठकमा राजनीतिक प्रस्ताव पेश हुने र राजनीतिक प्रस्तावसँगै थप कार्यसूची तय गरिने अध्यक्ष मण्डलका नेता अनिल झाले बताए । बैठक तीन दिनसम्म चल्ने राजपाले जनाएको छ ।