मेलवर्नमा नेपाली आमा-छोरीको रहस्यमय मृत्यु

अष्ट्रेलिया । अष्ट्रेलियाको मेलवर्नमा एक नेपाली महिला र उनकी ३ वर्षीया छोरीको रहस्मय मृत्यु भएको छ । घटनाका सम्बन्धमा प्रहरीले अनुसन्धान अघि बढाएको छ । मृतक ३९ वर्षीया महिला उत्तरी मेलवर्नको पास्के भेलस्थित अस्कानासी एभिन्यूमा आफ्नो श्रीमान र छोरीसँग बस्ने गर्थिन् ।
उनीहरुका एक छिमेकीले हिजो एक पुरुष अत्तालिदै बाहिर दौडिरहेको आफूले देखेको बताएका छन् । उनी मृतक महिलाका श्रीमान हुनसक्ने अनुमान गरिएको छ । ती १८ वर्षीय छिमेकी मोहम्मद असदले हेराल्ड सनसित भने, उनी चुपचाप आएर घरभित्र पसे अनि एकछिनपछि चिच्याउँदै बाहिर निस्के । उनले सो परिवारमा यसअघि कुनै झैं झगडा भएको आफूले थाहा नपाएको बताए ।
सोही दिन बेलुकी ५ः३० बजे प्रहरीको आपतकालिन टोली घटनास्थलमा आइपुगेको थियो ।
सिरले नाम गरेकी मृतक महिलाले नजिकै मिल्क बार चलाउने गर्थिन् । यो परिवार पाँच वर्षदेखि यहाँ बस्दै आएको थियो । शनिबार दिउँसो घरभित्रबाट मानिसहरु कराएको आवाज आएको छिमेकीहरुले बताएका छन् । मृत्युको खास कारण पत्ता लागेको छैन् । प्रहरीले कसैलाई पनि पक्राउ गरेको छैन् ।