जोकोविचलाई कतार ओपन टेनिसको उपाधि

एजेन्सी, २४ पुस । विश्व नम्बर एक बेलायती एण्डी मुर्रेलाई हराउँदै दोस्रो बरियताका जोकोविचले कतार ओपन टेनिसको उपाधि जितेका छन् । फाइनलमा ६–३, ५–७ र ६–४ को सेटमा हराउँदै दोस्रो बरियताका जोकोविचले उपाधि जितेका हुन् ।
सर्बियाको जोकोविचले मुर्रेको लगातार २८ खेलदेखिको विजयी यात्रा पनि टुंग्याएका छन् । दुवै खेलाडी जनवरी १६ देखि सुरु हुने वर्षको पहिलो ग्राण्डसलाम अस्ट्रेलियन ओपनको तयारीमा छन् ।
मुर्रे गएको नोभेम्बरमा एटिपी टुर्स फाइनलमा जोकोविचलाई हराउँदै विश्व नम्बर एक बनेका थिए । तर कतार ओपनमा भने मुर्रे पराजित भए ।