कुवेतमा नेपालीद्वारा नेपालीकै हत्या

कुवेत । कुवेतमा कार्यरत रसुवाका राजेश ग्याबाले सँगै काम गर्ने मोरङका जीवन प्रसाद भट्टराईको छुरा प्रहार गरी हत्या गरेका छन् ।
उनीहरु दुवै जना कुवेतको अल यास्रा फूड सप्लायर्स कम्पनीमा कार्यरत थिए । राजेश ८ महिनाअघि ड्राइभरका रुपमा कम्पनीमा आएका थिए । तर डिप्रेसनका कारण उनको भिसा रद्द भएको थियो । उनी डिसेम्बर २२ देखी ड्युटीमा गएका थिएनन् ।
सुबान इण्डस्ट्रियल एरिया मिनिस्ट्री क्याम्पमा हिजो घटना घटेको हो । हत्यारा र मृतक एउटै कोठामा बस्ने गरेको सहकर्मीहरुले बताएका छन् ।