जापानमा नेपाली कन्सर्ट हुँदै

टोकियो । अंग्रेजी नयाँ वर्षको अवसरमा जापानको योकोहामामा न्यू इयर म्यूजिकल नाइट २०१७ हुने भएको छ। योकोहामाको चीकु सेन्टरमा ६ जनवरी बेलुकी ५ बजेबाट सुरु हुने कार्यक्रममा नेपालका चर्चित कलाकारहरूको उपस्थिति रहने छ।
जापानको योकोहामामा आयोजना हुने सो सांगीतिक कार्यक्रममा पप गायक सुगम पोखरेल, नविन के भट्टराई तथा गायकरसंगीतकार तारा प्रकाश लिम्वु र नायिका नम्रता सापकोटा लगायतले मनोरंजन प्रदान गर्नेछन्। कार्यक्रममा जापानमै रहेका लोक गायक सूर्य खड्काको पनि प्रस्तुती रहनेछ।
सनराईज कर्पोरेशन र स्पाईस गार्डेनको संयुक्त प्रस्तुति रहने म्यूजिकल नाईटमा नेपालका ख्याति प्राप्त गायक तथा संगीतकार साथै स्थानीय कलाकारहरुको विशेष प्रस्तुती रहने गरी कार्यक्रम आयोजना गरिएको हो।