म्यानचेस्टर युनाइटेडको सहज जित

एजेन्सी, ३ पुस । इंग्लिस प्रिमियर लिगमा म्यानचेस्टर युनाइटेडले लगातार तेस्रो जित निकालेको छ । लिग अन्तर्गत गएराति भएको खेलमा म्यानचेस्टरले वेष्ट ब्रोमलाई २–० ले हराएर तेस्रो जित निकालेको हो ।
युनाइटेडको जितमा दुवै गोल जाल्टन इब्राहिमोविचले गरे । पाँचौं मिनेटमा इब्राहिमोविचको गोलबाट युनाइटेडले सुरुवाति अग्रता लियो । ५६ औं मिनेटमा इब्राहिमोविचले व्यक्तिगत दोस्रो गोल गर्दै युनाइटेडको अग्रता दोब्बर पारे ।
जितपछि युनाइटेड १७ खेलबाट ३० अंकसहित पाँचौं स्थानमा छ । गएराति भएका अरु खेलमा लिसेस्टर सिटी स्टोक सिटीसँग २–२ को बराबरीमा रोकियो । यस्तै मिडल्बर्गले स्वान्सी सिटीलाई ३–०, सन्डरल्याण्डले वाट्फोर्ड र वेष्ट ह्यामले हल सिटीलाई समान १–० ले हरायो ।