काठमाडौं । रुसी सेनामा भर्ती भएका नेपालीको सकुशल उद्धार र मृत्यु भएका हरुको शव फिर्ता लिएर आउन दबाब दिन आफन्तहरूले सिंहदरबार दक्षिण गेट अगाडि प्रदर्शन गर्दा ११ जना पक्राउ परेका छन्। प्रहरीले पदर्शन गर्न पुगेका उनीहरूलाई बिहीबार नियन्त्रणमा लिएको हो।
पछिल्लो समय रूसको सेनामा भर्ती भएका नेपालीहरूलाई अविलम्ब नेपाल फर्काउनु पर्नेमा सरकारलाई चौतर्फी दबाब बढ्दै गए पनि सरकारले उचित परिणाम देखिने गरी काम गर्न सकेको छैन।
अवैध तरिकाले रुसी सेनामा गएर सम्पर्कविहीन भएकाहरुको खोजी, युक्रेनसँगको युद्धमा मृत्यु भएकाहरुको शव फिर्ता र अलपत्र परेकाहरुको उद्धारको माग राख्दै प्रदर्शन गरेका हुन् ।
प्रकाशित मितिः २०८१ बैशाख ०६ बिहिबार
Comments