काठमाडौं । पुदिना हामी अचार बनाउन प्रयोग गर्दछौं । यसलाई कसैले पतेना भन्छन् त कसैले पुधिना पनि भन्ने गर्दछन् । यो हिमाली प्रदेशबाहेक तराई पहाड जहाँ पनि पाइन्छ । पतेना बारीको कुना वा डिलतिर थोरै रोपिदिए पनि धेरै फैलिएर जान्छ । सहर बजारमा गमलामै लगाएर पनि प्रशस्त खान सकिन्छ ।
अचारको रूपमा उपभोग गरिने यो अत्यन्त धेरै औषधीय गुण भएको कुरा वैज्ञानिकहरूले समेत प्रमाणित गरेका छन् । पतेनामा क्यान्सरसँग लड्न अद्भूत क्षमता हुन्छ । यसैगरी यसले यसले उच्च र निम्न रक्तचापसमेत नियन्त्रण गर्छ । शरीरभित्र भएको कतिपय ब्याक्टेरिया र ढुसीको वृद्धिदर रोक्दछ । त्यसैले दम एलर्जीजस्ता रोगमा पतेना ज्यादै उपयोगी मानिन्छ ।
यस्ता छन् यसका अन्य फाइदाहरू
१. यसमा पेरिलिन, अल्कोहल नामक एउटा फाइटो न्यूट्रिन्टस हुन्छ । जसले कोलोन, छाला र फोक्सोको क्यान्सर रोक्दछ ।
२. यसले गाँठा, गुँठीको रक्तकोषिकामा प्रहार गर्दछ । ताजा हरियो र अर्गानिक रुपमा भिटामिन ‘ए’ प्रशस्त पाइन्छ ।
३. यसको स्वाद र सुगन्धले भोजन रुचिकर हुन्छ ।
४. पदेना कटु उष्ण, दीर्घ, दीपक तथा कफ वायु उल्टी, पेटको दर्द, वातनाशक गुण यसमा पाइन्छ ।
५. यसले आमाशयलाई शक्ति दिनुका साथै गर्भाशयलाई पनि सक्रिय पार्दछ ।
६.यसले महिलाहरूमा हुने महिनावारी रोकिने जस्ता समस्या हटाउँछ ।
७. फोक्सोमा जम्मा भएको कफ बाहिर निकाल्नमा पदेनामा अत्यन्त राम्रो गुण हुन्छ । त्यसैले पतेना वृद्ध अवस्थाका लागि पनि नित्य सेवन योग्य औषधि मानिएको छ ।
८. यसले उच्च र निम्न रक्तचापसमेत नियन्त्रण गर्छ ।
प्रकाशित मितिः२०७५ चैत १२ मंगलबार
Comments