काठमाडौं । साविक विजेता जर्मन क्लब बायर्न म्युनिख च्याम्पियन्स लिग फुटबलको क्वाटरफाइनलमा प्रवेश गरेको छ ।
बुधबार राति भएको अन्तिम १६ को दोस्रो लेगमा इटालियन क्लब लाजियोलाई २-१ ले पराजित गर्दै बायर्न क्वाटरफाइनलमा पुगेको हो ।
अन्तिम आठको यात्रा तय गर्ने क्रममा बायर्नले समग्रमा ६-२ को जित निकाल्यो । बायर्नले पहिलो लेगमा ४-१ को जित निकालेको थियो । घरेलु मैदानमा भएको दोस्रो लेगमा बायर्नका लागि रोबर्ट लेवान्डोस्की र एरिक म्याक्सिमले एक एक गोल गरे । लाजियोका मार्को पारालोले एक गोल फर्काए ।
खेलको ३३ औं मिनेटमा लेवान्डोस्कीले गोल गर्दै बायर्नलाई अग्रता दिलाएका थिए । खेलको ७३ औं मिनेटमा एरिकले गोल गर्दै बायर्नलाई २-० को अग्रता दिलाए ।
त्यसपछि खेलको ८२ औं मिनेटमा लाजियोका मार्कोले एक गोल फर्काएपनि बायर्न २-१ ले विजयी भयो । यस खेलसँगै च्याम्पियन्स लिगको अन्तिम आठमा पुग्ने टिमको टुंगो लागेको छ । एजेन्सी
प्रकाशित मितिः २०७७ चैत्र ५ बिहीबार
Comments