काठमाडौ. १ साउन । क्लबका स्टार मिडफिल्डर मेसुट ओजिलले आउने दिनमा उच्च प्रदर्शन गर्ने प्रिमियर लिग टोली आर्सनलका नयाँ प्रशिक्षक उनाई इम्रीले विश्वास लिएका छन् । ओजिल सम्मिलित जर्मनी यसपटक विश्व कपको समूह चरणबाटै घर फर्केको थियो ।
विश्व कपको खराब प्रदर्शनका कारण ओजिलको पनि व्यापक आलोचना भएको थियो । समूह चरणका तीनमध्ये ओजिल खेलेको दुवै खेलमा जर्मनी पराजित भएको थियो । टोलीले समूह चरणमा एक खेल मात्र जितेको थियो । त्यो जितपछि निकै संघर्षपछि प्राप्त भएको थियो । टोनी क्रुसले खेलको अन्त्यतिर गरेको गोलमा जर्मनी स्विडनविरुद्धको त्यो खेलमा जित सम्भव भएको थियो ।
तर इम्रीले आफ्ना मिडफिल्डरप्रति विश्वास देखाएका छन् । यद्दपी केहि वर्षयता ओजिलले गरेको प्रदर्शनप्रति आलोचन हुँदै आएको छ । हामी यहाँ सबै खेलाडीलाई सहयोग गर्न यहाँ आएका छौं । तर मेरा लागि एउटा र अन्य २५ खेलाडी एकै हुन्,’इम्रीले भने, म सबैलाई सहयोग गर्नेछु । हाम्रा लागि ओजिल महत्वपूर्ण खेलाडी हुन् । हामी उनलाई सहयोग गर्न चाहन्छौं ।
उनले जर्मनीले विश्वकपमा राम्रो गर्न नसकेका विषयमा पनि चर्चा गरे । उनीहरुले चाहेजस्तो विश्वकपमा प्रदर्शन गर्न सकेनन् । नयाँ हिसाबले सिजनको सुरुवात गर्न अब म उनी तनाब मुक्त भएर फर्कुन भन्ने चाहन्छौं ,’ उनले भने, म उनीसँग नयाँ ढंगले काम गर्न चाहन्छु । जसले हामीले टोलीलाई उत्कृष्ट प्रदर्शनका लागि तयार पार्न सकौं ।
आर्सनलका लागि गत सिजन कठिन रहेको पनि इम्रीले बताए । ‘ओजिलका लागि मात्र होइन पछिल्लो सिजन सबैका लागि कठिन रह्यो , उनले थपे, म सबैको मनोबल उच्च बनाउन चाहन्छु । हरेक दिनको अभ्यासमा हामी त्यसका लागि प्रेरित गर्नेछौं । एजेन्सी
Comments