जिपको ठक्करबाट वृद्धको मृत्यु

0

झापा । मेचीनगर नगरपालिका–१२ र बुद्धशान्ति गाउँपालिका–३ को सिमानामा पर्ने धाइजन चोकमा आज बिहान जिपको ठक्करबाट एक वृद्ध पैदलयात्रीको मृत्यु भएको छ ।

मृत्यु हुनेमा झापाकै बुद्ध शान्ति गाउँपालिका–३ का ७० वर्षीय हरि प्रसाद न्यौपाने रहेको जिल्ला प्रहरी कार्यालयले जनाएको छ ।

प्रहरीका अनुसार दुर्घटनामा गम्भीर घाइते भएका न्यौपानेको उपचारको क्रममा वि एण्ड सी अस्पताल विर्तामोडमा मृत्यु भएको हो ।

पैदल हिडीरहेका उनलाई आज बिहान साढे ६ बजे विर्तामोडबाट ईलाम जादै गरेको प्रदेश १, ०१—००१ ज ३४०० नम्बरको जिपले ठक्कर दिएको थियो । पैदलयात्रीलाई जिपले ठक्कर दिएपछि पुनः मे १ ज ३१९६ नम्बरको गाडीले समेत ठक्कर दिएको ईलाका प्रहरी कार्यालय बुधबारेले जनाएको छ । दुबै सवारी साधन सहित चालकलाई प्रहरीले नियन्त्रणमा लिइसकेको छ ।

प्रकाशित मितिः २०७६ मंसिर २० शुक्रबार

Comments

comments

Share.
Loading...

Comments