काठमाडौं । साताको पहिलो दिन शेयर बजारमा पहिरो गएको छ । आइतबार बजार खुल्नासाथ ओरालो लागेको बजार ३ बजे कारोबार बन्द हुँदासम्म लगातार घट्यो । कारोबार भएका सबै १३ उपसमूहले गुमाउँदा बजार राताम्मे बन्यो ।
आइतबार २३४ कम्पनीका १,१९,०३,२०२ कित्ता शेयर किनबेच हुँदा ५,८३,५१,३५,०५५ रुपैयाँको कारोबार भएको छ ।
गत शुक्रबार राष्ट्र बैंकले चालु आर्थिक वर्षको मौद्रिक नीति समीक्षा गर्दा शेयर कर्जामा निर्धारण गरिएको सीमा परिवर्तन नगरेपछि आइतबार शेयर बजारमा त्यसको नकरात्मक असर परेको हो ।
यसअघि कर्जासम्बन्धी सो सीमा समीक्षामार्फत परिवर्तन गर्ने हुने आशामा लगानीकर्ताहरु थिए । तर, राष्ट्र बैंकले ४ करोडभन्दा धेरै ऋण लिन नपाइने सीमा परिवर्तन गरेन ।
प्रकाशित मितिः २०७८ मंसिर १२ आइतबार
Comments