एमाले नेतृ निरु पाललाई पतिशोक

काठमाडौं, १७ माघ । नेकपा एमालेकी बैकल्पिक केन्द्रीय सदस्य निरु पाललाई पतिशोक परेको छ । भीमदत्तनगरपालिका–१७ कञ्चनपुरका स्थायी बासिन्दा मोहन पालको आज बिहान ४५ वर्षको उमेरमा निधन भएको पालका छोरा लोकेश पालले जानकारी दिए ।
हिजो पेटसम्बन्धी समस्याका कारण उपचारका लागि महाकाली अञ्चल अस्पताल लगिएको र त्यहाँ उपचार हुन नसकेपछि सेती अञ्चल अस्पतालमा लगिएको थियो ।
उनलाई थप उपचारका लागि आज बिहान काठमाडौं ल्याउने तयारी हुँदाहुँदै अस्पतालमा नै निधन भएको हो । पालको श्रीमती र दुई छोरा छन् ।