५३ हजारबाट पनि ओर्लियो सुनको मूल्य

काठमाडौं, २६ मंसिर । आज सुनको मूल्य तोलामा ४ सय रुपैयाँले घटेको छ । गत शुक्रबार ५३ हजार रुपैयाँ कारोबार भएको सुन आज ४ सय रुपैयाँले घटेर प्रतितोला ५२ हजार ६ सय रुपैयाँमा कारोबार भएको नेपाल सुनचाँदी व्यवसायी महासंघले जनाएको छ । यो मूल्य गत वर्षको माघयताकै सस्तो हो ।
त्यस्तै, चाँदीको मूल्य भने ५ रुपैयाँले घटेको छ । गत शुक्रबार प्रतितोला ७ सय ९० रुपैयाँमा कारोबार भएको चाँदी आज ५ रुपैयाँले घटेर ७ सय ८५ रुपैयाँमा कारोबार भएको महासंघले जनाएको छ ।