आइओएम डीन डा. अग्रवालद्वारा पदभार ग्रहण

काठमाडौं, १९ मंसिर । डा. जगदिश अग्रवालले चिकित्सा शास्त्र अध्ययन संस्थान (आइओएम)को डीनले पदभार ग्रहण गरेका छन् । डा. गोविन्द के.सी.को माग सम्बोधन गर्न भन्दै सरकारले यसअघिका डीन केपी सिंहलाई राजीनामा दिन लगाएको थियो । सिंहले राजीनामा दिएपछि वरिष्ठताको आधारमा अग्रवाललाई डीन नियुक्त गरिएको थियो ।
पदभार ग्रहण गर्दै डा. अग्रवालले आइओएमलाई सबैसँग मिलेर अघि बढाउने प्रतिबद्धता व्यक्त गरेका छन् ।