धादिङमा मोटरसाइकल दुर्घटना, २ को मृत्यु

धादिङ, ११ मंसिर । धादिङको त्रिपुरासुन्दरी गाउँपालिका १ सल्यानटारमा आज बिहान मोटरसाइकल दुर्घटना हुँदा दुई जनाको मृत्यु भएको छ । मृत्यु हुनेमा त्रिपुरासुन्दरी गाउँपालिका २ सल्यानटारका २६ वर्षीय भुवन पाण्डे र ३० वर्षीय जितेन्द्र अधिकारी रहेको प्रहरीले जनाएको छ ।
बा ७९ प ७२७ नम्बरको मोटरसाइकल सडकभन्दा करिब १० मिटर तल खस्दा उनीहरुको मृत्यु भएको जिल्ला प्रहरी कार्यालय धादिङले जनाएको छ । दुर्घटनाको कारण भने खुलेको छैन ।