कोशी प्रदेशको हिउँदे अधिवेशन माघ ७ देखि

काठमाडौं । कोशी प्रदेश सभाको हिउँदे अधिवेशन माघ ७ मा सुरु हुने भएको छ ।

कोशी प्रदेश सरकारको आज बिहान बसेको बैठकले माघ ७ गतेबाट प्रदेशको हिउँदे अधिवेशन बोलाउनका लागि सिफारिस गर्ने निर्णय गरेको हो ।

सरकारका प्रवक्ता तथा आन्तरिक मामिला तथा कानुनमन्त्री रेवतीरमण भण्डारीले मन्त्रिपरिषद् बैठकले माघ ७ को दिउँसो २ बजे प्रदेश सभाको बैठक आह्वानका लागि सिफारिस गर्ने निर्णय गरेको जानकारी दिए ।

सरकारको सिफारिसका आधारमा प्रदेश प्रमुख पर्शुराम खापुङले बैठकको आह्वान गर्नेछन् ।